Relixion? non, gracias, prefiro pensar

Hoxe, 6 de Decembro, estou coa jripe. Debe ser que o meu corpo anda necesitado de virus e cousas desas... ainda así, como son tonto e débome (ou iso penso) ás miñas responsabilidades, fun traballar. E ontes, no traballo, no cal son benquerido (e iso ajradécese moito), tocoume ser o Sinterklaas. Se queredes saber máis sobre este personaxe e o que representa, simplemente facede un click co voso rato enriba do nome e iredes a parar á páxina da wikipedia (que xunto con google e youtube, é o meu deus particular, iso si, ainda non lle rezo) e alí veredes de que vai o asunto.

Pois si, este homiño é unha especie de papa noel en holandés, pero o meu veu dende Xapón e tróuxome catro rejaliños, mirade para ahí que xeneroso!

En España, cando somos nenos,  os maiores soen ameazarnos co home do saco ou "que ven o coco" e disque se eres malo, pero malo dos malos, lévante con eles vai ti a saber onde. Aquí usan ó Sinterklaas este e dinlles ós nenos que os vai levar para España... pois vaia medo que deben ter os nenos (ainda que tal e como están as cousas por alí, eu estaría máis que acolloado)... será por iso que cando medran vanse todos os holandeses de vacacións ó noso pais... e eu que pensaba que era pola festa, os toros, a paella, o sol e a siesta... iluso eu... pois non!, van todos en estampida a ver se hai aljo de verdade nas historias que lles contaban cando eran nenos.

Como dicía, no traballo tocoume facer a labor deste homiño. Iso si, negueime rotundamente a vestirme coma el, que un pode ser sumiso pero non ata este punto.

 Tiven que poñer unha especie de pasteliño (cortesía da empresa) en cada unha das duascentas mesas dos meus douscentos compañeiros... en fin, un coñazo... e soportar as bromiñas dos máis jraciosos coa jripe que teño... pois pior ainda, pero menos mal que a telebasura española dalle a un recursos para sair ben parado destas situacións e apostei pola estratexia da Pantoja... si home, esa de "dientes, dientes... que es lo que les jode", total risa máis falsa cunha peseta e tira pa diante co carriño dos pasteliños.

Cambiando de tema un pouco, contarvos que hoxe recibin unha proposta do manager do departamento de Control e Calidade para traballar con eles. Díxome que sabía que eun non tiña experiencia, pero que me quere pola miña boa disposición para aprender, polo meu alto grado de responsabilidade e pola miña seriedade no traballo.. ahí queda iso. Ainda no sei se aceptarei o cambio ou non, pero os piropos sentáronme de maravilla e non sei se será por isto ou pola jripe do carallo pero síntome coma flotando nunha nube. Xa vos manterei informados.

E para rematar por hoxe, un último apunte...

Cada día aléjrome máis de non vivir en España. Paréceme verjonzoso o que pasou o outro día na manifestación que se fixo en Madrid en contra?? de ETA. Eu xa non sei onde carallo vamos a parar, pero isto de facer manifestacións, supostamente para condear o asasinato de duas persoas (guardias civiís, políticos, mariñeiros ou sexadores de polos), e aproveitalas para insultarse uns ós outros (fachas e progres todos ó mesmo tempo e no mesmo saco) paréceme xa o último. Ás veces dame a sensación de que a aljúns non lles apetece que o terrorista deixe de matar, xa que así teñen unha razón máis para berrar aquilo de "socialistas terroristas"... istso de ser fan de mandar á xente ó paredón, asiduo visitante á misa matinal dos dominjos e ointe incondicional dos sermóns que ese tal Federico escupe cada mañá na radio non che debe ser nada bon para a saúde individual, e moito menos para a saúde da sociedade en xeral, xa que parece ser é contaxioso... eu por si acaso ficarei aquí en Holanda unha temporadiña máis.

chúzame